علق المطرب عمر كمال على قرار إدارة موقع يوتيوب، اليوم الأربعاء، حذف مهرجان "عود البطل" قائلا: نفس اللى حصل فى بنت الجيران بيحصل تاني فى عود البطل.
وأوضح كمال عبر صفحته الرسمية على "فيسبوك " أنه تم وقف الأغنية بعدما وصلت إلى 7 ملايين مشاهدة فى أول يوم من طرحها، مضيفا: ديه محصلتش تماما مع أي أغنية نزلت قبل كده.
وأضاف: بس معلش خير والله حصل كده فى بنت الجيران وبقت 170 مليونا.. متفتكرشي أنك لما تحاول توقف عمر كمال وشاكوش هتأخد رزقهم أو شهرتهم يعني أو غيابهم هيديك فرصة للظهور.
وتابع: عاوز تنجح اشتغل واتعب وفكر مش تأذي الناس شوية وقت والأغنية هترجع وهنرجع أقوى وأنجح.